Bakı. Gözdən əlil uşaqlar üçün 38 nömrəli musiqi məktəbi “28 May- Respublika Günü”nə həsr olunmuş hesabat konserti keçirilib. Trend-in məlumatına görə, öncə məktəbin müəllimi Məlikova Günel giriş sözü ilə çıxış edərək gözdən əlil uşaqlar üçün 38 nömrəli musiqi məktəbinin 2017-2018-ci tədris ilini uğurla başa vurmasından, bu musiqi ocağının istedadlı şagirdlərinin bir çox Respublika və Beynəlxalq Müsabiqələrdə istirakından, uğur və nailiyyətlərdən danışıb. Konsertdə məktəbin istedadlı şagirdləri rəngarəng nömrələrlə çıxış ediblər.