Lerikdə narkotik vasitə qanunsuz dövriyyədən çıxarıldı FOTO
Digərləri 15 May 2018 18:48:00 250 0
Lerik Rayon Polis Şöbəsinin əməkdaşlarının keçirdikləri əməliyyat tədbirləri nəticəsində külli miqdarda narkotik vasitə aşkar edilərək qanunsuz dövriyyədən çıxarılıb.
Daxili İşlər Nazirliyinin (DİN) mətbuat xidmətinin Lənkəran regional qrupundan Son.az-a verilən məlumata görə, 13 may 2018-ci il tarixdə Lerik RPŞ-nin əməkdaşlarının keçirdikləri əməliyyat-axtarış tədbirləri nəticəsində rayonun Piran kəndində narkotik vasitələrin qanunsuz dövriyyəsində şübhəli bilinən Astara sakini Ələmdar Rəhimov saxlanılıb. Onun üzərinə baxış keçirilərkən əlindəki sellafon torbanın içərisindən 1 kiloqram 310 qram narkotik vasitə olan tiryək aşkar edilərək götürülüb. Ə. Rəhimov üzərindəki narkotik vasitəni satış məqsədi ilə əldə etdiyini etiraf edib.
Mənbə: milli.az