Son.az axşam.az-a istinadən bu dəfə ailə həyatı qurub, daha sonra boşanan məşhur şəxslərlə bağlı siyahını təqdim edir: Müğənni Lətifə Soyuöz 7 il ailəli qaldığı Dəniz Soyuözlə ayrılıb. Onun bu evlilikdən bir oğlan övladı var.

ATV telekanalının məşhur aparıcıları Samirə Mustafayeva və Vaqif Aydınoğlu da evliliklərinə son qoyublar. Uzun illər ailəli qalan cütlük 2016-cı ildə gözlənilməz şəkildə boşanıb. Onların bir qız övladı var.

Teleaparıcı Nurlana Cəfərova Türkiyə vətəndaşı olan Mehmet Uğur Aydınla ayrılıb. Onlar cəmi bir il ailəli qalıb.

Əməkdar artist Sevda Ələkbərzadə Cənubi Azərbaycandan olan Kamiyardan ayrılıb. Onlar 2015-ci ilin mayında ailə qurmuşdu. Müğənni bildirib ki, keçmiş əri xaricdə yaşayır, özünün isə işləri Azərbaycandadır. Buna görə də onlar ayrı ölkələrdə yaşamaq məcburiyyətindədirlər.

Müğənni Dilarə Kazımova da türkiyəli əri Mert Aslanla ayrılıb.

Xalq artisti Faiq Ağayev 1 dəfə evli olub. 14 il əvvəl Nigar Topçubaşova adlı xanımla evlənən müğənni 2 il sonra boşanıb. Hazırda Nigar ikinci dəfə ailəlidir. Qeyd edək ki, F.Ağayevin böyük oğul övladı var. Bu haqda çox danışmağı xoşlamayan sənətçi övladının anası haqda heç vaxt açıqlama verməyib.

Xalq artisti Aygün Kazımova İlqar adlı şəxslə ailə həyatı qurub. Bu evlilikdən İlqarə dünyaya gəlib. 

Xalq artisti Nazpəri Dostəliyeva da boşanıb. Bir dəfə ailə quran Dostəliyevanın iki oğul övladı var.

Xalq artisti Flora Kərimova üç dəfə ailə qurub. Onun həyat yoldaşları dünyasını dəyişib. Kərimovanın övladlığa götürdüyü oğlu var. Onun üçüncü evlilikdən Zümrüd adlı bir qızı dünyaya gəlib.

Xalq artisti Məleykə Əsədova bir dəfə ailə qurub və boşanıb. Onun Gülər adlı qızı var.

Əməkdar artist Elza Seyidcahan bir dəfə ailəli olub. Bu nikahdan bir qızı, bir oğlu var.

"Eurovision 2011"in qalibi Nigar Camal müsabiqədən sonra həyat yoldaşından ayrıldı. Onun bu nikahdan iki qızı var.

Müğənni İzzət Bağırov da boşanan məşhurlardandır. Onun ilk evliliyi uğursuz olub. İkinci dəfə ailə quran sənətçinin üç uşağı var.

Müğənni Nura Suri üç dəfə ailə həyatı qurub. Sənətçinin üç övladı var.

Əməkdar artist Mətanət İsgəndərli iki övladının atasından boşanıb.

Əməkdar artist Firuzə İbadova da bir dəfə ailəli olub və boşanıb. Onun Hülya adlı qızı var.

Xalq artisti Ağadadaş Ağayev iki dəfə rəsmi nikahda olub.

Əməkdar artist Abbas Bağırov bir dəfə ailə qurub boşanıb. Onun bu nikahdan bir qızı var. Bu il isə Abbas ikinci dəfə evləndi.

Əməkdar artist Almaz Ələsgərlinin də ailə həyatı uzun sürməyib. Onun iki qız övladı var. Ələsgərlinin qızları da ailə qurub və qısa müddət sonra onlar da boşanıb.