Bakı. Azərbaycan Dillər Universitetində (ADU) universitetin İspan dili mərkəzinin təşkilatçılığı ilə Azərbaycanda təşkil olunan ilk Latın Amerikası film festivalı çərçivəsində Kosta Rika istehsalı olan “Qayıdış” filmi nümayiş olunub. ADU-dan Trend-ə verilən məlumata görə, film nümayişindən öncə çıxış edən universitet rektorunun məsləhətçisi Anar Osmanlı və Kosta-Rikanın ölkəmizdəki fövqəladə və səlahiyyətli səfiri Xayro Fransisko Lopez Volanyos iki ölkə arasındakı əlaqələrdən danışıb və film festivalı haqqında fikirlərini söyləyiblər.