Bakı. Amerika alimləri yaraların sürətli sağalmasına imkan verən sarğı hazırlayıblar. Trend-in məlumatına görə, onun yaradılması üçün dəniz yosunlarından alınan xüsusi maddədən istifadə olunub. Hərbi əməliyyatlar zamanı yaraların vaxtında sarılması böyük əhəmiyyət kəsb edir. Çünki yaranın infeksiyaya yoluxma ehtimalı çox yüksəkdir, həkimi gözləməyə isə vaxt olmur. Bu problemi həll etmək üçün Texas Aqrar-Texniki Universitetinin alimləri yaranı sağaldan inyeksiya sarğısı üçün material yaradıblar.