"Samsung" şirkəti qabaqcıl "Galaxy S6" və "S6 edge" smartfon modelləri üçün proqram təminatı və təhlükəsizlik sistemi yenilənmələri üçün dəstəyi dayandırıb. Bu barədə şirkətin rəsmi saytında deyilir.   Son.az ICTnews-a istinadən bildirir ki, Cənubi Koreya istehsalçısı smartfonlar üçün proqram təminatı yenilənmələrinin buraxılışını iki il, təhlükəsizlik sistemini isə 3 il ərzində dayandırır. 2015-ci ilin martında buraxılan "Galaxy S6" və "S6 edge" modellərinin təqdimat tarixindən 3 il ötüb.   Bildirilir ki, bundan əvvəl şirkət tərəfindən altıncı nəslə aid iki "S" smartfonu üçün "Android Oreo" əməliyyat sisteminin buraxılacağı ehtimal edilib.      Qeyd edək ki, "Galaxy S6 Edge+" və "S6 Active" smartfonlarının yenilənməsinin dəstəklənməsi davam etdirilir.