Bakı. Respublikanın daxili işlər orqanları tərəfindən narkotik vasitələrin qanunsuz dövriyyəsinin qarşısının alınması, o cümlədən ayrı-ayrı vətəndaşlara və dövlət müəssisələrinə məxsus mobil telefon, avtomobil texniki hissələri və tikinti materialları oğurlamaqda şübhəli bilinən şəxslərin aşkar edilərək məsuliyyətə cəlb olunmaları istiqamətində növbəti əməliyyat-axtarış tədbirləri həyata keçirilib. Daxili İşlər Nazirliyinin mətbuat xidmətinin Quba regional qrupundan Trend-ə verilən məlumata görə, Quba RPŞ əməkdaşlarının keçirdikləri əməliyyat tədbirləri nəticəsində bir gündə rayon ərazisində narkotik maddələri qanunsuz saxlamaqda şübhəli bilinən iki şəxs saxlanılıb. Belə ki, Quba şəhər sakini əvvəllər məhkum olmuş Zərdabi kənd sakini Teyfur Qədirov polis əməkdaşları tərəfindən saxlanılıb. Onun üzərinə baxış zamanı selofan bükümdə narkotik vasitə aşkar olunub. Ekspertizaya təqdim olunan bükülünün ümumi çəkisi 150,0 qram marixuana olması barədə rəy verilib. Digər bir şəxs isə, Quba şəhər sakini Vəliyulla Cəlilov olması müəyyən edilib. Onun üzərindən 2,514 qram narkotik vasitə olan heroin aşkar olunaraq götürülüb.