Son.az-ın APA-ya istinadən məlumatına görə, bu sözləri İran prezidenti Həsən Ruhani bu gün Bakıya səfəri öncəsi jurnalistlərə verdiyi açıqlamada deyib. HRuhani deyib ki, İranın region ölkələri ilə siyasi, təhlükəsizlik və iqtisadi sahələrdə  əlaqələrinin qurulması çox önəmlidir: "Bu səbəbdən yeni günəş ilinin başlanğıcında regionun üç önəmli ölkəsinə səfər edəcəyəm.  Ümid edirəm ki, bu səfərlər İran və qonşu ölkələr arasında əlaqələri daha da möhkəmləndirəcək, regionda daha çox sabitlik yaratmaq məqsədilə  mövcud problemlərin həllinə yardım edəcək".

H.Ruhani deyib ki, tezliklə Türkiyədə Türkiyə, Rusiya və İran dövlət başçılarının iştirakı ilə Suriyadakı təhlükəsizilik məsələsi, Suriyaya humanitar yardımlar və bu ölkənin gələcəyinə həsr olunmuş iclas keçiriləcək.