Bakı. Kataloniya muxtariyyətinin sabiq rəhbəri Karles Puçdemonun saxlanılmasından sonra muxtar vilayətdə polislə etirazçılar arasında toqquşmalar zamanı xəsarət alanların sayı artıb. Trend-in məlumatına görə, qarşıdurmalar nəticəsində 100-ə yaxın şəxs, o cümlədən hüquq-mühafizə orqanlarının əməkdaşları müxtəlif dərəcəli xəsarət alıb. Saxlanılanlar var. Nümayişlər Barselona, Lerida, Jirona və Tarraqona şəhərlərində keçirilir.