Son.az xəbər verir ki, bu barədə oxu.az-a Xəzər Rayon Polis Şöbəsi məlumat verib.

Məlumatda deyilir:

"Hadisə yerində yanmış süni güllər aşkar edilib. Faktla bağlı istintaq tədbirləri aparılır".

Xatırladaq ki, bir müddət bundan əvvəl Bakının Xəzər rayonunda Qarabağ müharibəsi şəhidlərinin abidəsinə qarşı vandalizm aktı törədilib.

Söhbət Qarabağ uğrunda döyüşlərdə qəhrəmanlıqla həlak olmuş üç qardaşın - Vidadi, Xaqani və Hasil Aslanovların abidəsindən gedir.

Şəhidlərdən birinin oğlu Cəsarət Aslanov Oxu.Az-a bildirib ki, naməlum şəxs çiçəkləri qıraraq, onları abidənin qarşısında yandırıb.