Son.az xəbər verir ki, "ACT Azərbaycan" paytaxt sakinlərindən bunu öyrənməyə çalışıb. Fikri öyrənilən paytaxt sakinlərinin təqribən 1/4-i (23%) ikinci vətən kimi Türkiyəni görür. Azərbaycanlıların illərdir üz tutduğu Rusiya arzuolunan ölkələr arasında ikincidir (13%). Bakı əhlinin Avropa ölkələri arasında sevimlisi Almaniya (12 %) və Fransadır (4%). "İstənilən Avropa ölkəsi" deyənlər rəyi öyrənənlərin 10%-ini təşkil edir. Amerika qitəsinə köçmək istəyənlər 14% təşkil edir ki, bunun da 10%-i ABŞ-a, 4%-i Kanadaya köçmək istəyənlərdir. Sorğuda iştirak edənlərin 7% üçün seçim etmək çətin olub. Respondentlərin 32 %-i Azərbaycanı heç bir ölkəyə dəyişmədiklərini bildiriblər. Sorğu 23-28 sentyabr tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.