AMEA işçilərinin əməkhaqlarına olan artımlar martın maaşı ilə birlikdə ödəniləcək
Digərləri 16 Mar 2018 09:56:00 189 0
Azərbaycan Milli Elmlər Akademiyasında (AMEA) əməkhaqqı artırılan professor və dosentlərin vəzifə maaşlarına olan artımlar mart ayının maaşı ilə birlikdə ödəniləcək.
Bakı. İlhamə İsabalayeva –
Azərbaycan Milli Elmlər Akademiyasında (AMEA) əməkhaqqı artırılan professor və dosentlərin vəzifə maaşlarına olan artımlar mart ayının maaşı ilə birlikdə ödəniləcək.
Bu barədə özəl olaraq Trend-ə AMEA-dan məlumat verilib.
Akademiyadan bildirilib ki, AMEA-da çalışan və elmi adı olan 1400 alimin – 1060 dosent, 340 professorun əməkhaqqına artım əlavə edilib. Bu artım dosent və professorların vəzifə maaşlarına elmi adlara görə əlavələrin verilməsi ilə baş verib. Artım yanvarın 1-dən hesablanacaq. Alimlər mart ayının maaşını alarkən yanvar və fevral ayları üçün nəzərdə tutulan artımları da əldə edə biləcəklər.
Mənbə: az.trend.az