Bakı. İlhamə İsabalayeva – Azərbaycan Milli Elmlər Akademiyasında (AMEA) əməkhaqqı artırılan professor və dosentlərin vəzifə maaşlarına olan artımlar mart ayının maaşı ilə birlikdə ödəniləcək. Bu barədə özəl olaraq Trend-ə AMEA-dan məlumat verilib. Akademiyadan bildirilib ki, AMEA-da çalışan və elmi adı olan 1400 alimin – 1060 dosent, 340 professorun əməkhaqqına artım əlavə edilib. Bu artım dosent və professorların vəzifə maaşlarına elmi adlara görə əlavələrin verilməsi ilə baş verib. Artım yanvarın 1-dən hesablanacaq. Alimlər mart ayının maaşını alarkən yanvar və fevral ayları üçün nəzərdə tutulan artımları da əldə edə biləcəklər.