Qanunsuz miqrasiyaya zəmin yaradan bir neçə kanal aşkarlanıb General danışdı


Digərləri 15 Mar 2018 21:57:00 300 0

Qanunsuz miqrasiyaya zəmin yaradan bir neçə kanal aşkarlanıb  General danışdı

"Son iki ay ərzində qanunsuz miqrasiyaya zəmin yaradan bir neçə kanal aşkarlanıb".

Son.az bildirir ki, bu sözləri Dövlət Miqrasiya Xidmətinin Miqrasiya Siyasəti və Hüquqi Təminat Baş İdarəsinin rəisi, general mayor Vahid Qəhrəmanov deyib. Onun sözlərinə görə, 2017-ci ilin noyabrdan Azərbaycana Asiya ölkələrindən, xüsusilə də Hindistan istiqamətindən qanunsuz gələn 207 nəfər miqrant müəyyənləşdirilib. Həmin şəxslər bir qayda olaraq turist vizası ilə gətirilən və ölkədə qalan şəxslərdir.

Saxlanılan şəxslərin bəziləri təhsil almaq adı ilə gəlib, qanunsuz əməllərlə məşğul olanlardır. Miqrantların bəzilərində çox ciddi xəstəliklər aşkarlanıb. Həmçinin qanunsuz miqrasiyaya şərait yaradan kanal və marşrutlardan istifadə etməklə miqrantları ölkəyə gətirilən 4 nəfər barəsində həbs qətimkan tədbiri seçilib və istintaq davam etdirilir.