Bakı. Gülqız Muradova - Moldova Demokratiya və İqtisadi İnkişaf naminə Təşkilat - GUAM-ın 2018-ci il üzrə fəaliyyətdə olan sədri kimi beynəlxalq aləmi GUAM məkanındakı münaqişələrdən əziyyət çəkən insanların fundamental haqlarının qorunmasına daha çox diqqət ayırmağa çağırıb. Trend-in məlumatına görə, bunu Moldovanın xarici işlər və Avropaya inteqrasiya üzrə naziri Tudor Ulianovski BMT-nin İnsan Hüquqları Şurasının 37-ci sessiyasında GUAM-a üzv olan dörd dövlətin - Gürcüstan, Ukrayna, Azərbaycan və Moldovanın birgə bəyanatını təqdim edərkən deyib.