Bəlkə də hələ harada olduqlarını tam anlamırlar. Amma bu kiçik yaşlarında valideyn nəvazişindən uzaq qalıblar. Son.az bildirir ki, söhbət 2 ay əvvəl Bakıdakı sığınacaqlardan birinə gətirilən Aytac və Yağmur bacılarından gedir. Sığınacağın sosial işçisi Şəhla Hüseynova deyir ki, 3 və 6 yaşlı bu uşaqlar ötən il dekabrın 29-da Sabirabadın Minbaşı kənd sakinləri tərəfindən gətirilib. Yanvar ayında isə uşaqların anası tapılıb. Lakin həmin gündən sonra qadın sığınacağa gəlməyib. Telefonuna da zəng çatmır.