Son.az xezerxeber.az-a istinadən bildirir ki, universitetə qəbul olmaq istəyənlərin seçim imkanları artırıldı. Nazirlər Kabineti tərəfindən təsdiqlənən yeni qaydalara əsasən yaz və yay qəbul imtahanlarında iştirak edən abituriyentlər fərqli qruplar üzrə imtahan verə biləcəklər.

Yəni abituriyentlər 2 imtahanda iştirak etməklə, ümumilikdə 3 ixtisas qrupuna aid olan ixtisasları seçə bilərlər.

Digər dəyişikliyə əsasən isə xüsusi qabiliyyət tələb edən ixtisasları, yəni V ixtisas qrupunu seçən abituriyentlərin qəbul imtahanda iştirakına ehtiyac qalmayacaq. Onlar buraxılış imtahanın nəticəsinə əsasən ixtisas qrupu seçəcəklər.