"Səmaaltı imperiya" dənizi ələ keçirir VİDEO FOTO
Digərləri 07 Fev 2018 13:35:00 269 0
Çin Xalq Respublikası hərbi və müdafiə potensialını sürətlə inkişaf etdirir. "Səmaaltı imperiya" Cənubi Çin dənizindəki kiçik mərcan və qayalıq adalardan ibarət Spratli arxipelaqında hərbi bazalar yaradır.
Son.az Philippine Daily Inquirer-ə istinadən bildirir ki, Spratli arxipelaqı Çinlə Filippin arasında mübahisəli ərazidir.
Çin hərbçiləri Spratli ilə yanaşı, Skarboro-Şola da iddialıdırlar.
Filippinin əsas adası olan Lusondan 124 dəniz mili məsafədə yerləşən arxipelaqın kiçik adalarında Çin müşahidə, radioelektron kəşfiyyat kompleksləri, habelə neft-qaz çıxarma platformaları inşa edir.
Bununla yanaşı, Spratli arxipelaqındakı 7 mərcan adasında Çin transformasiya işləri apararaq hərbi obyektlər tikir.
Həmin obyektlərdən biri Filippinə məxsus olan və Birləşmiş Millətlər Təşkilatının nəzarətindəki Paqaniban rif adasındadır.
Mənbə: milli.az