Yağışın nazil olması - su damcılarının yerə atılmasıdır. Ancaq Quranın nazil olması bu İlahi kəndirin yuxarıdan aşağıya sallanması deməkdir.

Son.az deyerler.org-a istinadən bildirir ki, hər kəs bacardığı qədər çalışır ki, elm və əməli ilə bu kəndirdən yapışa bilsin.

Əhli-Beyt (ə) və Həzrət Zəhra (s.ə) da Allahın qırılmaz kəndirləridir. Onlar İlahi övliyalardandırlar. O kamil insana Vəliyallah deyirlər ki, elm və əməlini vasitə olmadan birbaşa Allahdan alar. Belə bir insan olur Allahın vəlisi. Bütün Əhli-Beyt (ə), Allahın yer üzərində olan vəliləridir.

Məşhur hədisdə oxuyuruq: "Bu kəndirin bir tərəfi, yəni Quran Allahın əlindədir. Bir tərəfi isə sizin əlinizdədir".

Həzrət Zəhra (s.ə) başqa Məsumlar (ə) kimi Allahın mətin və möhkəm kəndiridir. Bu kəndiri bizim üçün Allah sallamışdır. Onun bir tərəfi Allahın "əlindədir" və bir tərəfi isə insanların əlində qərar tutmaq üçün sallanır.