Gürcüstanda azərbaycanlı məktəbli nadir xəstəlikdən öldü
Digərləri 22 Yan 2018 15:20:00 331 0
Gürcüstanın Marneuli rayonunun 8 saylı orta məktəbinin şagirdi Yusif Talıbovun qəfil ölüm səbəbi məlum olub.
Son.az APA-ya istinadən xəbər verir ki, 7 yaşlı Y. Talıbov M. İaşvili adına Mərkəzi Uşaq Xəstəxanasında meninqokoksemiya xəstəliyindən dünyasını dəyişib.
Marneuli rayonunun İctimai Sağlamlıq Mərkəzindən bildirilib ki, məktəbli ilk olaraq yerli xəstəxanaya yerləşdirilib: "Sonra o, M. İaşvili adına uşaq xəstəxanasına aparılıb və yanvarın 18-də orada vəfat edib".
Mərkəzin məlumatına əsasən, meninqokoksemiya xəstəliyindən ölüm faktı bu il ilk dəfə qeydə alınıb. Qeyd olunur ki, Marneuli rayonunda epidemiya təhlükəsi yoxdur.
Marneulinin 8 saylı orta məktəbində isə dezinfeksiya işləri aparılıb və yerli əhaliyə vəziyyətin təhlükəli olmadığı bildirilib.
Mənbə: milli.az