Son.az xezerxeber.az-a istinadən bildirir ki, hadisə Abşeron rayonun Saray qəsəbəsində qeydə alınıb. Qəsəbə sakini 16 yaşlı Xəlil Allahquliyev qardaşı ilə birgə dərsdən evə qayıdarkən gözünə naməlum istiqamətdən yad cism dəyib. Nəticədə 10-cu sinif sagirdi Xəlil Allahquliyev sol göz nahiyəsindən ağır ayaralanıb. Həmin vaxt yaxınlıqda heç kəs olmadığından hadisənin kim tərəfindən törədildiyi hələlik məlum deyil. Yaralı qan içində ailə üzvləri tərəfindən Sumqayıt şəhərində yerləşən xəstəxanaya çatdırılıb. Xəstəxanadan verilən məlumata görə, məktəbli gətirilərkən vəziyyəti ağır olub. Dərhal tibbi müdaxilə edilib. Həkimlərin verdiyi məlumata görə, Xəlilin gözünə dəyən cism tir tüfənginin gülləsi olub. Daha sonra hüquq-mühafizə orqanlarına məlumat verilib. Abşeron rayon polis idarəsindən verilən məlumata görə, faktla bağlı təhqiqat işlərinə başlanılıb.