Tramp 2020-ci ildə yenidən prezidentliyə namizədliyini irəli sürmək niyyətindədir
Dünya 09 Yan 2018 02:18:23 277 0
O, 2016-cı ilin noyabrda Hillari Klintonu məğlub edərək prezident seçilib
ABŞ prezidenti Donald Tramp 2020-ci ildə keçiriləcək dövlət başçısı seçkilərində yenidən namizədliyini irəli sürmək niyyətindədir.
“Report” TASS-a istinadən xəbər verir ki, bunu bazar ertəsi jurnalistlərə Ağ evin mətbuat katibinin müavini Hoqan Gidli deyib.
"Şübhəsiz ki, o, [Tramp] növbəti seçkilərdə yenidən prezidentliyə görə mübarizə aparacaq", - Gidli deyib.
Onun bəyanatının stenoqrammını Ağ ev yayıb.
Tramp 2016-cı ilin noyabr ayında keçirilən prezident seçkilərində demokrat namizəd Hillari Klinton üzərində qələbə qazanaraq dövlət başçısı olub. O, vəzifəsinin icrasına 20 yanvar 2017-ci ildə başlayıb.
Mənbə: report.az