"Samsung" şirkətinin yeni nəsil qabaqcıl smartfonu ötənilki "Galaxy Note 7" ilə bağlı qalmaqaldan sonra ən yaxşı smartfon adına layiq görülüb.   Son.az ICTnews-a istinadən bildirir ki, "India Mobile Congress" sərgisinin nəticəsinə görə, "Samsung Galaxy Note 8" cihazı 2017-ci ilin ən yaxşı qurğusu adına layiq görülüb. Bu haqda "Samsung Mobile"in Hindistan bölməsinin tvitter mikrobloqunda məlumat verilib.   Həmçinin bu il təqdim edilmiş "Gear S3" fitnes bilərziyi öz nominasiyasında qalib gəlib. Sözügedən fitnes qolbaq ilin ən yaxşı daşınan cihazı adına layiq görülüb.