Bakı Ali Neft Məktəbində "Mühəndis Günləri 2017" tədbiri keçirilib ((FOTO)
Digərləri 22 Dek 2017 09:42:00 228 0
Bakı Ali Neft Məktəbində (BANM) Gənc Mühəndislərin İnkişafı İctimai Birliyi (GəncMİİB) və “MA Engineering Academy”nin təşkilatçılığı ilə “E-Days'17” (Mühəndis Günləri 2017) adlı tədbir keçirilib.
Bakı.
Bakı Ali Neft Məktəbində (BANM) Gənc Mühəndislərin İnkişafı İctimai Birliyi (GəncMİİB) və “MA Engineering Academy”nin təşkilatçılığı ilə “E-Days'17” (Mühəndis Günləri 2017) adlı tədbir keçirilib.
BANM-in İctimaiyyətlə əlaqələr şöbəsindən Trend-ə verilən məlumata görə, tədbirin keçirilməsində əsas məqsəd sənayenin ən qabaqcıl şirkətlərinin mütəxəssislərinin tədbirdə iştirak edərək öz təcrübə və biliklərini iştirakçılarla paylaşmasını təmin etmək olub. Tədbirdə BANM-ın rəhbərliyi və tələbələri, sahənin aparıcı şirkətlərinin nümayəndələri, həmçinin müxtəlif universitetlərin tələbələri iştirak ediblər.
Tədbirdə BANM-ın rektoru Elmar Qasımov qonaqları salamlayıb, GəncMİİB-in gənc mühəndislərin inkişafında əhəmiyyətli rolundan danışıb və onun fəaliyyətini yüksək qiymətləndirdiyini vurğulayıb.
GəncMİİB-in sədri Yusif Yusifov da tədbir iştirakçıları salamlayıb və BANM-ın rəhbərliyinə göstərdiyi diqqət və dəstəyə görə təşəkkür edib. Daha sonra GəncMİİB-in sədr müavini Zaur Mirzalıyev təşkilatın fəaliyyət istiqamətlərindən, gənc mühəndislərin bilik və bacarıqlarının artırılmasında olan rolundan danışıb.
Mənbə: az.trend.az