Son.az APA-ya istinadən xəbər verir ki, bu barədə Türkiyə prezidenti Rəcəb Tayyip Ərdoğan bildirib.

"Biz BMT Baş Assambleyasının Qüdslə əlaqədar əksəriyyət səs çoxluğu ilə  qəbul etdiyi qətnaməni böyük məmnuniyyətlə alqışlayırıq. BMT Baş Assambleyası tərəfindən qanunsuz olduğu isbat olunan Trampın bu uğursuz qərarının tez bir zamanda ləğv ediləcəyini gözləyirik. Öz adımdan və Türkiyə xalqının adından Fələstin və Qüdsə dəstək göstərən hər kəsə təşəkkür edirəm", - deyə Ərdoğan "Twitter"-də qeyd edib.      

Qeyd edək ki, BMT  Baş Assambleyası ABŞ-ın Qüdsü İsrailin paytaxtı kimi tanımasına dair qərarının qəbuledilməz olması barədə qətnamə qəbul edib.