Son.az ARB TV-yə istinadla xəbər verir ki, Şəmkirdə qəbiristanlıqdan məzar daşları və digər əşyalar aparılıb.

Çimnaz Hümbətova - Sakin: "Qardaşımın qəbrini ziyarət etməyə gəlmişdim. Gəldim ki, sinə daşı yoxdur. Özümü çox pis hiss etdim. Özüm-özümə inanmadım. Belə bir şey bu günədək olmayıb. Sonra polislərə şikayət etdim".

Oğurluq hadisəsi Şəmkirin Qasımalılar kənd qəbristanlığında baş verib. Məzarın sinə daşı naməlum şəxs və ya şəxslər tərəfindən aparılıb. Zərəçəkənlər hadisədən mərhumun il mərasimi günü xəbər tutublar.

Mərkəz Allahverdiyev - Sakin: "Aidiyyatı qurumlardan çox xaiş edirəm bu işi araşdırsınlar. Görək bu kimdir. Belə bir insan olarmı. İnsanyyətdindən kənar bir adamdır. Çox xahiş edirəm, Qasımalılar kəndində belə hal baş verib və bu cianyətkarlar tapılıb cəzasını alsınlar".

İndi tək Qasımalılar deyil ətraf kənddə yaşayan sakinlər də bu hadisənin şokundadırlar. Sakinlərin sözlərinə görə, bu kənd qəbristanlığında baş verən ilk oğurluq hadisəsi deyil. Buna qədər müxtəlif vaxtlarda məzar daşlarının yanındakı əksər güldanlar da oğurlanıb.