Bakı. Maksim Tsurkov - Ötən gün Bakıda Heydər Əliyev Beynəlxalq Hava Limanında məcburi eniş etmiş “British Airways” aviaşirkətinə məxsus təyyarənin sərnişinləri Londona uçub. Bu barədə Trend-ə hava limanından məlumat verilib. Aviaşirkət sərnişinləri digər təyyarə ilə göndərmək qərarına gəlib: “Təyyarə Bakıya gəldi və sərnişinləri Londona apardı. Hazırda təyyarə uçuşu həyata keçirir. Təcili eniş etmiş “Boeing-777”yə gəlincə, bu təyyarə heyət hazır olduqdan sonra Bakıdan uçacaq”. Ötən gün Bakıda Mumbay-London reysini yerinə yetirən "British Airways" aviaşirkətinə məxsus Boeing-777 təyyarəsi məcburi eniş edib. Eniş kabinənin tüstülənməsi səbəbindən edilib. Boeing-777 təyyarəsinin göyərtəsində 135 sərnişin və 17 heyət üzvü olub.