Bakı. Elçin Mehdiyev - Azərbaycan və Rusiya arasında dövlət sərhədlərinin demarkasiyası üzrə birgə komissiya indiyədək bütün normativ hüquqi sənədləri qəbul edib. Trend-in məlumatına görə, bunu Azərbaycanın xarici işlər nazirinin müavini Xələf Xələfov deyib. Nazir müavini qeyd edib ki, hazırda komissiya razılaşdırılmış plan əsasında sərhəddə sərhəd işarələrinin qoyulması və digər müvafiq qurğuların quraşdırılması üzrə işlər həyata keçirir: "Gələn il də bu işlər davam etdiriləcək. Bunun üçün görüşlər mütəmadi keçirilir".