Çin tərtibatçıları “App Store”dan 17 milyard dollar qazanıb
Digərləri 07 Dek 2017 08:51:00 240 0
"Apple" korporasiyasının baş direktoru Tim Kuk bildirib ki, Çində 1,8 milyon nəfər mobil əlavə tərtibatçısı "App Srore" platformasından istifadə edir.
Son.az lent.az-a istinadən xəbər verir ki, T.Kuk Vuçjen şəhərində keçirilən İnternet təhlükəsizliyi üzrə Ümumdünya konfransında çıxışı zamanı bildirib ki, öz tərtibatlarından onlar 16,93 milyard dollar pul qazanıblar. Tim Kukun sözlərinə görə, çinli tərtibatçıların əlavələri "App Store"un qlobal satışlarının dörddə birini təşkil edib. Çin "Apple" şirkəti üçün satışların həcminə görə üçüncü bazar hesab edilir. 2017-ci ilin üçüncü rübündə bu bazarın həcmi 2016-cı ilin analoji ilə müqayisədə 40 faiz artıb. Şirkətdə gələcək artımı gözləyirlər ki, bu da "iPhone 8" və "iPhone X" satışlarına olan tələbat sayəsində baş tutacaq.
Digər maraqlı xəbərlər Son.az-ın Facebook səhifəsində
Son.az-ın ən mühüm və maraqlı xəbərlərini "Telegram"da izləyin