Smartfonlar üçün optik qurğu hazırlanıb
Digərləri 28 Noy 2017 07:41:00 319 0
"I-O Data" şirkəti mobil qurğular üçün "DVRP-W8AI2" adlı optik qurğu təqdim edib. Yenilik DVD diskdə saxlanılan videoçarx, şəkil və başqa məzmunu smartfon və planşetin ekranında izləməyə imkan verir.
Milli.Ax ICTnews-a istinadən bildirir ki, optik qurğu mobil cihazlara simsiz üsulla - "Wi-Fi IEEE 802.11ac/n/a/g/b" texnologiyasının köməyi ilə qoşulur. Amma DVD qurğuya yerləşdirilmiş optik daşıyıcıdakı fayllara giriş üçün mobil qurğuya xüsusi proqram quraşdırmaq lazımdır. Qurğunun istehsalçıları "Android 4.2.2" və daha sonrakı, "iOS 8" və daha sonrakı əməliyyat sistemlərinin dəstəkləndiyini bildiriblər.
Sözügedən optik qurğu oxuma rejimindən başqa yazma rejimini dəstəkləyir.
Qurğunun fiziki ölçüləri 145x168x19 mm, çəkisi 430 qr-dır. Qurğu adapter vasitəsilə elektrik şəbəkəsinə qoşulur, amma akkumulyator batareyalarından da istifadə etmək olar.
Mənbə: milli.az