Son.az auto.az-a istinadən bildirir ki, əvvəllər güman edilirdi ki, Tokio-2017 avtosalonu idman avtomobili Mazda RX-9-un təqdimat yeri olacaq. Əvəzində isə, yerli avtomobil sənayesi sərgisinə prototip Mazda Vision Coupe Concept gəldi. Bu avtomobil Tokio-2017 avtosalonunun ən gözəli adına namizəddir.

Mazda Vision Coupe Concept, - heç şübhə yoxdur ki, - 2015-ci ildə Tokio avtosalonunda təqdim edilmiş Mazda RX-Vision Concept-ə bənzəyir. Faktiki olaraq demək mümkündür ki, qarşımızda eyni avtomobilin 2- və 4-qapılı versiyası dayanıb.

Təəssüf ki, Mazda Vision Coupe Concept-ni təqdim edərkən Yaponiya şirkəti onun texniki göstəriciləri barədə heç bir məlumat verməyib. Lakin rotor mühərriki heç də pis təxəyyül deyil. Həmçinin şirkətin təqdim etdiyi konseptə uyğun seriyalı avtomobil istehsal edib etməyəcəyi də məlum deyil.