Son.az deyerler.org-a istinadən bildirir ki, bu ayə bizlərə demək istəyir ki, dünya imtahan dünyasıdır və heç kəs bu imtahan dünyasından keçmədən, behiştə daxil ola bilməz. Əgər behişt əhli olmaq istəyirsinizsə, keçmiş müsəlmanların başına gələn bəlaları və ağrılı hadisələri yadınıza salın ki, bütün bunların hamısı İlahi imtahan idi. Bütün maddi və cani çətinliklər insanın insan kimi yetişməsi üçündür.   Həzrət Peyğəmbər (s) buyurur: "Behişt çətinliklərlə bükülmüşdür".   Başqa bir hədisdə oxuyuruq: "Möminlər üçün dünya giriftarlıqları elə bir mükafatdır ki, başqaları deyərlər: "Ey kaş bu çətinliklər, daha çox çətinliklə bizim üçün olaydı"".   Bəli, həyat çətinlikləri insanın inkişafına, qürbünə və behiştə daxil olmasına səbəb olar.   Bu mübarək ayədən çıxartdığımız nəticələr:   1. Hər kim behiştə imana malik olduğu üçün getməyi düşünürsə, yanlışdır. Gərək dünya çətinliklərindən başıuca halda keçsin ki, behiştə layiq ola bilsin.   2. İlahi sünnətdə heç bir dəyişiklik olmaz. Bütün millət və ümmətlər İlahi imtahandan keçərlər.   3. Başqalarının çəkdiyi çətinliyə diqqət etmək insanı təskin edər.   4. Dünya çətinlikləri o qədər böyük ola bilər ki, peyğəmbərləri belə, pərişan etmişdir.   5. Bütün çətinliklərdən çıxış yolu Allahdan yardım istəməkdir.   6. Çətinliklərə müqavimət göstərmək İlahi yardımı almaq üçün zəminə olar.