Deloitte Azərbaycan “Azərbaycanda İqtisadi Perspektivlər” adlı makroiqtisadi təhlili özündə əks etdirən yeni nəşrini təqdim edir. Nəşrdə Deloitte son 15 ildə Azərbaycan iqtisadiyyatında müşahidə edilən əsas tendensiyalara toxunub. Eyni zamanda, 2017-ci ilin avqust-sentyabr ayları ərzində öncül Azərbaycan şirkətlərinin rəhbərləri arasında apardığı sorğunun nəticələrini təqdim edib. Sorğu nəticəsində gəlinən ən diqqətçəkən qənaətlərdən biri - sorğu iştirakçılarının böyük əksəriyyətinin ölkənin biznes konyunkturasının gələcəyinə dair optimist baxışın mövcudluğudur. Respondentlərin 79 %-i öz şirkətlərinin qısamüddətli biznes perspektivlərini müsbət qiymətləndirib.