Yerevan Dövlət Universiteti tələbələrinin “Elmin inkişafı naminə” şüarı ilə keçirdikləri etiraz aksiyasına Ermənistanın başqa ali məktəblərində təhsil alanlar da qoşulacaq. Son.az “report”-a istinadən xəbər verir ki, bunu “Elmin İnkişafı Naminə” hərəkatın korrdinatoru David Petrosyan bildirib.

Onun sözlərinə görə, hərbi xidmətdən möhlət hüququnun ləğv edilməsi elm sahəsinin maliyyələşdirilməsinin azlığı və təhsilin keyfiyyətinin aşağı səviyyədə olmasının göstəricisidir: "Bunu da ölkədə hamı bilir".

Qeyd edək ki, noyabrın 7-dən Yerevan Dövlət Universitetinin tələbləri tətil elan ediblər və etiraz aksiyası keçirirlər. Noyabrın 13-də etiraz aksiyası bərpa olunub.

Ölkənin “Hərbi xidmətçilərin statusu və hərbi xidmət haqqında” qanuna layihəsi oktyabrın 27-də parlamentdə birinic oxunuşda qəbul edilib. Həmin sənəddə təhsil alan tələbələrə hərbi xidmətdən möhlət hüququnun ləğv edilməsi öz əksinin tapıb. Etiraz aksiyası keçirən tələblər hesab edirlər ki, bu qanun elm və təhsilin potensialına zərbə vuracaq.