İnsanları mümkün terror hücumlarından qorumaq üçün Norveçin paytaxtı Oslo şəhərinin Karl Johans küçəsində 20 ədəd nəhəng gül dibçəyi qoyulub. Yaxın zamanlarda süni sədlərin quraşdırılması işləri davam edəcək.

Son.az AZƏRTAC-a istinadən bildirir ki, hər birinin çəkisi 800 kiloqram olan və 3 ədədlik qruplar şəklində qoyulan dibçəklər nəqliyyat vasitəsi ilə həyata keçirilən terror risklərini azaldacaq. Buna bənzər sədlər əvvəllər nəqliyyat vasitələri ilə terror aktlarının törədildiyi Stokholm, Nitsa, London və Nyu-York küçələrində də quraşdırılıb.