Kaliforniyada Hepatit A virusunun yayılmasına görə fövqəladə vəziyyət elan olunub
Dünya 14 Okt 2017 10:30:08 340 0
Los-Anceles, San-Diyeqo və Santa Kruzda epidemiyanın yayılmasının qarşısının alınması üçün tədbirlər görülür
Kaliforniyada Hepatit A virusunun yayılmasına görə fövqəladə vəziyyət elan olunub.
“Report” "Anadolu"ya istinadən xəbər verir ki, Kaliforniyanın qubernatoru Cerri Braun bununla bağlı yazılı açıqlama yayıb.
Məlumatda qeyd olunub ki, Los-Anceles, San-Diyeqo və Santa Kruzda epidemiyanın yayılmasının qarşısı alınmalıdır.
Kaliforniya Səhiyyə İdarəsi vaksinlərin hazırlanması və virusun yayıldığı bölgələrə paylanmasını təmin edəcək.
Xatırladaq ki, ötən ay San-Diyeqo şəhərində 16 nəfərin Hepatit A virusundan ölməsindən sonra şəhərin müəyyən hissəsi xüsusi məhlullarla təmizlənib.
Mənbə: report.az