Hindistan Myanmadan qaçan daha 18 müsəlmanı Banqladeşə deportasiya edib.  

"Report" "Anadolu"ya istinadən xəbər verir ki, bu barədə Banqladeşdə nəşr olunan "Dhaka Tribune" qəzeti məlumat yayıb. 

Xəbərdə bildirilib ki, oktyabrın 13-də səhər saatlarında Banqladeşə təhvil verilən qaçqınlardan 10 nəfəri uşaqdır və onlar üç ildir Basirhaatdakı bir düşərgədə qalırmışlar. 

Bununla da Hindistanın son üç həftə ərzində Banqladeşə deportasiya etdiyi myanmalı müsəlmanların sayı 57 nəfərə çatıb.