Kreml: Putin İrana noyabrın 1-də səfər edəcək
Dünya 12 Okt 2017 16:29:10 322 0
Rusiya prezidenti "Azərbaycan-İran-Rusiya" formatında üçtərəfli görüşdə iştirak etmək üçün Tehrana səfər edəcək
"Rusiya prezidenti Vladimir Putinin İrana səfəri noyabrın 1-nə hazırlanır".
"Report" TASS-a istinadən xəbər verir ki, bunu Rusiya dövlət başçısının mətbuat katibi Dmitri Peskov bildirib.
Daha əvvəl V.Putinin ilin sonunadək "Azərbaycan-İran-Rusiya" formatında prezidentlərin üçtərəfli görüşündə iştirak etmək üçün İrana səfər edəcəyi bildirilmişdi.
Qeyd edək ki, ilk üçtərəfli sammit ötən ilin avqust ayında Bakıda keçirilib. O zaman İlham Əliyev, Həsən Ruhani və Vladimir Putin birgə iqtisadi layihələri və regional təhlükəsizlik məsələlərini, o cümlədən "Şimal-Cənub" nəqliyyat dəhlizi layihəsini müzakirə edib.
Mənbə: report.az