ABŞ-ın Rusiyadakı diplomatik missiyası daha çox azaldıla bilər
Dünya 11 Okt 2017 12:07:38 287 0
XİN: Moskva amerikalı diplomatların sayını Rusiyanın ABŞ-dakı daimi nümayəndəliyinin əməkdaşlarının sayına qədər azaltmaq hüququna malikdir
"Report" xəbər verir ki, bu barədə RİA "Novosti"yə müsahibəsində Rusiya Xarici İşlər Nazirliyinin Şimali Amerika Departamentinin direktoru Georgi Borisenkov bildirib.
"Amerikalılar özlərini belə aparırsa, deməli, bizim də analoji addımlarımıza hazırdırlar. Moskva heç bir variantı, o cümlədən diplomatik nümayəndəliklərdə əməkdaş sayında real paritet yaradılmasının mümkünlüyünü istisna etmir", - rusiyalı diplomat qeyd edib.
Xatırladaq ki, ABŞ hökumət orqanlarının tələbi ilə sentyabrın əvvəllərində Rusiyanın San-Fransiskodakı baş konsulluğu, Vaşinqton və Nyu-Yorkdakı ticarət nümayəndəlikləri bağlanıb, bundan sonra binalarda axtarışlar aparılıb. Rusiya bu hərəkətləri qeyri-dost addım adlandırıb və məhkəməyə müraciət edəcəyinə söz verib.