Rusiyada “iPhone”un idxalına qadağa qoyula bilər
Digərləri 09 Tem 2025 18:24:00 67 0
Rusiyada "iPhone" smartfonlarının idxalına qadağa qoyula bilər. Bu barədə ölkənin bəzi senatorları təşəbbüs irəli sürüblər. Onların sözlərinə görə, Apple şirkəti Rusiya qanunvericiliyinin tələblərinə əməl etmədiyi təqdirdə, bu məhsulların ölkəyə gətirilməsi dayandırılmalıdır.
Bu haberi de oku: Sabah bu ərazilər 4 saat işıqsız qalacaq
2025-ci il sentyabrın 1-dən etibarən Rusiyada satışa çıxarılan bütün smartfonlarda yerli tətbiqlərin və RuStore adlı rus tətbiq mağazasının quraşdırılması məcburi olacaq. Apple şirkəti isə hələlik bu tələbləri yerinə yetirməyə razılıq verməyib.
Hazırda "iPhone" modelləri Rusiyaya yalnız paralel idxal yolu ilə gətirilir. Apple 2022-ci ildən bu yana Rusiyada rəsmi satışları dayandırıb. Yeni qanun qüvvəyə mindiyi təqdirdə, Apple cihazlarının satışına tam qadağa qoyula bilər. Qərarın tətbiqi ilə bağlı yekun qərarın yaxın aylarda verilməsi gözlənilir.
Habere ait fotoğraflar
