Elektrik mühərrikli avtomobillərin ƏDVyə cəlb edilməsi bazara necə təsir göstərəcək?
Digərləri 06 Nov 2025 20:35:00 83 0
Gələn ildən elektrik mühərrikli avtomobillərin idxalı və satışı əlavə dəyər vergisinə (ƏDV) cəlb ediləcək. Bu dəyişiklik avtomobil bazarında qiymət dinamikasına, istehlakçı davranışına və ümumi rəqabət mühitinə təsir göstərə bilər. ƏDV-nin tətbiqi elektrik avtomobillərinin qiymətlərinin artmasına, nəticə etibarilə isə satış tempinin müəyyən qədər zəifləməsinə səbəb ola bilər?
Read this news too: Ağ Evdə ürəyi getdi aləm birbirinə dəydi
Nəqliyyat eksperti Eldəniz Cəfərov Trend-ə açıqlamasında bildirib ki, idxal olunan elektromobillər əlavə dəyər vergisinə cəlb ediləcəksə, təbii ki, bu növ nəqliyyat vasitələrinin qiymətində yüksəlmə olacaq.
O, qeyd edib ki, elektromobillərin əlavə dəyər vergisinə cəlb edilməsi avtomobil bazarına ümumilikdə ciddi təsir etməyəcək.
"Elektromobillərə bizim ölkədə maraq olsa da, populyarlıq dərəcəsi bir o qədər də deyil. Bunun da bəzi səbəbləri mövcuddur. Məsələn, hələki ölkədə enerji doldurma məntəqələrinin sayı azdır. Həmçinin bu növ avtomobillərin ehtiyat hissələri, təmir məsələlərində də bir qədər problemlər mövcuddur".
Ekspert əlavə edib ki, növbəti il Azərbaycanın avtomobil bazarında bahalaşma gözləniləndir.
Nəqliyyat eksperti Elməddin Muradlı Trend-ə açıqlamasında deyib ki, ƏDV-dən azad olunmanın ləğvi elektromobillərin və dolayı yolla digər avtomobillərin qiymətinə də təsir edəcək.
"Elektrik və hibrid avtomobillər ölkəyə daha ucuz qiymətə gətirildiyi üçün onlara maraq daha çox idi. Bu da ikinci əl avtomobil bazarında durğunluq yaratmışdı".