Avropa Azərbaycan Məktəbi və "Azeri Observer" nəşrinin birgə təşkilatşılığı ilə ərsəyə gələn tədbir məhsuldar iş əlaqələrinin müzakirə və təhlili üçün əlverişli platforma oldu.

Tədbir ölkəmizdə fəaliyyət göstərən  tanınmış milli və beynəlxalq qurumlarınüzvlərini bir araya gətirən əhəmiyyətli şəbəkə və ünsiyyət mühiti olaraq  əlamətdar idi. Bu  cür tədbirlər müxtəlif sahələr üzrə nüfuz qazanmış ayrı-ayrı şirkət və qurumlar arasında əlaqə yaratmaqla əməkdaşlıq platformasının formalaşdırılmasına kömək edir.

Avropa Azərbaycan Məktəbinin (EAS) direktoru Francesco Bankini və "Azeri Observer" jurnalının direktoru Arslan Abbasov qonaqları salamlayaraq tədbiri açıq elan etdilər.

Hər iki direktor qonaqların iştirakı üçün onlara səmimi təşəkkürlərini bildirdi və tədbirin əməkdaşlıq imkanlarının genişləndirilməsi baxımından əhəmiyyətini qeyd  etdilər. 

Gecə boyu iştirakçılar təhsil və innovasiyadan tutmuş biznes və mədəni diplomatiyaya qədər müxtəlif mövzularda fikir mübadiləsi və müzakirələr apardılar. Tədbir, iştirakçılar üçün yeni tərəfdaşlıqlar qurmaq, mövcud əlaqələri dərinləşdirmək və peşəkar şəbəkələri genişləndirmək üçün unikal fürsət oldu.

Avropa Azərbaycan Məktəbi əməkdaşlıq və korporativ ünsiyyət platforması təmin edərəkmüxtəlif sektordan olan işgüzar insanları bir araya topladı. Bu cür toplantılara ev sahibliyi etməklə, qurum diplomatlar, biznes liderləri və təhsil mütəxəssisləri arasında işgüzar əlaqələri gücləndirməyə, nəticədə beynəlxalq əməkdaşlığa və qarşılıqlı anlaşmaya kömək edən faydalı mühit bərqərar etməyə xidmət edir.

Şəbəkələşmə tədbiri məktəbin intellektual mübadilə və əməkdaşlıq mərkəzi kimi mövqeyini bir daha təsdiqlədi. Bu, iştirakçılar üçün əlaqə yaratmaq, təcrübə mübadiləsi aparmaq və əməkdaşlıq üçün potensial imkanları araşdırmaq üçün dəyərli imkan yaratdı.

Avropa Azərbaycan Məktəbi şəbəkələşmə tədbirlərinin əhatəsini daha çox genişləndirmək və inkişaf etdirmək üçün əlavə imkanlar yaratmaq istiqamətində çalışır.