Bu barədə Trend-ə şirkətin xarici əlaqələr şöbəsinin nümayəndəsi Dilşod İşankulov deyib.

D.İşankulovun sözlərinə görə, uçuşların uğurlu təşkil edilməsi üçün "Centrum Air" potensial sərnişin axınını öyrənir.

"Hazırda biz potensial sərnişin axınını öyrənirik və Özbəkistan və Azərbaycan şəhərləri arasında uçuşlar təşkil etməyi planlaşdırırıq. İndi uçuşların başlanacağı tarixi söyləmək çətindir. Amma biz optimistik yanaşırıq", - deyə o bildirib.

D.İşankulov vurğulayıb ki, Özbəkistanın aşağı büdcəli aviaşirkəti 2023-cü ilin fevral ayından etibarən "Centrum Air" ticarət nişanı altında sərnişin reysləri həyata keçirməyə başlayıb və o vaxtdan şirkət təkcə yerli istiqamətlərə deyil, həm də beynəlxalq istiqamətlərə sərnişin reysləri həyata keçirir.

"Aviaşirkətimiz 2023-cü ilin fevral ayından etibarən "Centrum Air" brendi altında müntəzəm və çarter sərnişin reysləri həyata keçirməyə başlayıb. 12 may 2023-cü il tarixinə həm yerli, həm də beynəlxalq istiqamətlərə 200-dən çox sərnişin reysi yerinə yetirilib. Aviaşirkətimiz BƏƏ, Misir, Gürcüstan, Səudiyyə Ərəbistanı və Qazaxıstana beynəlxalq uçuşlar həyata keçirir", - deyə şirkətin nümayəndəsi bildirib.

Bundan əlavə, D.İşankulov bildirib ki, Özbəkistanın aşağı büdcəli aviaşirkəti yaxın gələcəkdə Avropa, Cənub-Şərqi Asiya, eləcə də Yaxın Şərq ölkələrinə uçuşlar təşkil etməyi planlaşdırır.