Qoç - çətinlikləri dəf etmək olar. Problemlərin həllinə yaradıcı yanaşın, çətinliklərdən qorxmayın. Bədxahları pərişan edəcək addımlar atın. Günün ikinci yarısında fəaliyyətinizin nəticələri istədiyiniz kimi olmayacaq. Eyb etməz, ruhdan düşməyin. Yeni təşəbbüslərdə tələsməyin. Bu gün yaşamınızda qayda yaradın, köhnə əşyalardan qurtulun. Sizi gərəksiz diskussiyalara cəlb etmək cəhdlərinə müqavimət göstərin. İntriqaya hədəf olmayın. Sizinlə eyni məsələni həll edən tərəfdaşların dəstəyinə qiymət verin. Ciddi niyyətləriniz olan məqsədlərlə bağlı danışıqlar aparın. Özünüzü soyuğa verməyin. Buğa - ən fərqli məsələlərlə bağlı tərəfdaşlarla söhbətlərdə fərqli fikirlər səslənəcək. Güzəştə getmək niyyətiniz yoxdursa, öz işinizlə məşğul olun. Planlaşdırma ilə bağlı müzakirələri daha əlverişli vaxta qədər təxirə salın. Günün ikinci yarısında səhhətinizin qayğısına qalın. Kursun dəyişməsi, yeni marağın peyda olması istisna deyil. İntensiv mükalimələr və söhbətlər sizi yora bilər. Əkizlər - gün ərzində planlarınızı dəyişməli, bəzi məramları təxirə salmalı olacaqsınız. Yarımçıq qalmış işi inandığınız insanlarla əlbir şəkildə başa vurun. Uzaqgörən, təmkinli, sayıq olun. Günün ikinci yarısında bir qədər nevroz durum, gərginlik yaranacaq. Təşəbbüslərlə tələsməyin. Problem yaranarsa, onu dərhal həll etməyə çalışın. İşdəki münasibətlər və ya sizinlə ümumi layihədə çalışan insanlarla münasibətlərdə dəyişikliklər ola bilər. Axşam saatlarında açıq havada bir qədər gəzişin. Xərçəng - səbrli, təmkinli olun. Hansısa məsələnin çözümü təxirə düşürsə, pərişanlığa qapılmayın. Gün yetərincə konstruktiv ola bilər. Həllini tələb edən işləri qulaqardına vurmayın. Çalışanda yaradıcı, orijinal olun. İşlərin planlaşdırdığınız təki getdiyinə əmin olmayınca motiv və məqsədlərinizi faş etməyin. Söhbətlərdə həssas olun, özünüzə düşmən qazanmayın. Axşam saatlarında mütləq istirahət edin. Şir - ciddi işlərlə məşğul olun. Tərəfdaş, iş yoldaşı və ya şərikə verdiyiniz vədləri yerinə yetirin. Avantüralardan qorunun. Gündəmdə ailə və evlə bağlı məsələlər var. Hər şey cari öhdəliklərin yerinə yetirilməsindən də ciddi ola bilər. Yaxın ətrafınızdakı insanları nəyin birləşdirə biləcəyini düşünün və işə başlayın. İntensiv çalışmalı olacaqsınız. Sizin üçün önəmli insanlardan biri verdiyiniz vədləri xatırladacaq. Səhhətinizi qoruyun. Qarın və ayaqlarda ağrılar ola bilər. Qız - hadisələrin fonu rəvan deyil. Ani maraqlarla istəkləri hələlik unudun. Hədəfə çatmağınızı şərtləndirən məsələlərin həllinə bütün vaxtınızı sərf edin. Ünsiyyətə izafi ehtiyacınız ola bilər. Təmaslar və əlaqələrin heç də hamısı xoş olmayacaq. Başqalarının sözlərinə və vədlərinə çox aldanmayın. Fikrinizin heçə sayıldığı, sözünüzün eşidilmədiyi situasiyalarda təbdən çıxmayın. Səylərin səfərbər edilməsi gözlənilən effekti verməyə bilər. Lakin konkret şəraitlə bağlı olmayan əlaqə və ya danışıqlar fərqli sahədə uğurunuzu tam təmin edə bilər. Tərəzi - qərar və nəticlərdə tələsməyin. Sərt reaksiyalar verməyin, mövcud işlərlə məşğul olun. Arzu olunanı gerçək qismində qəbul edərək səhvlərə yol vermək ehtimalı varsa, situasiyanı sadələşdirin. Tərəfdaşlarınızı dəstəkləyin. İndi ən mühüm məsələlər onların iştirakı ilə həll olunur. Hadisələrin inkişafı yaxın ətrafınızdakı insanların təşəbbüs və aktivliyindən asılıdır. Dedi-qodu və intriqalara qatılmayın. Əqrəb - bu gün çoxsaylı işlər görməlisiniz. Ola bilər ki, hansı işə ilk növbədə başlamağı bilməyəsinz. İşləri planlaşdırın, görüləcək əməllərin siyahısını tutun. Hissiyatınız sizi aldatmayacaq. Bir neçə xəbərə sevinəcəksiniz. Əsas xəbər cari fəaliyyətinizlə bağlı olacaq. Evdə sizi tam rahatlıq gözləyir. Hadisələrin yeni təmayülü formalaşır və o, maraqlı olaylar vəd edir. Baş verənləri diqqətlə müşahidə edin. Görüşlərdən imtina etməyin, poçtu yoxlayın, məktublara dərhal cavab verin. Yeni məqsədə çatmağın yollarını düşünün. Hazırlıq işləri üçün əlverişli zamandır. Oxatan - mövcud tapşırıqları yerinə yetirərək öhdənizə götürdüyünüz işi başa vurmağa çalışın. Hadisələrin inkişafını süni şəkildə sürətləndirə biləcək addımlar atmayın. Yaşananların müşahidəçisi və şahidi olacaqsınız, amma nizamlama və korrektəyə də ehtiyac duyulacaq. Mühüm işlərdə təşəbbüsü mövzunu yaxşı bilən və müvafiq işgüzar əhvala malik insana həvalə edin. Alış-verişdə bədxərclik etməyin. Yaşam arealının bir qismində qayda yaradın. Pozitiv enerjini cəlb etməyə səy göstərin. Oğlaq - cari işlərin görülməsi, sənəd və hesabatların hazırlanması, problemləri həll etmək üçün rəsmi qurumlara getmək üçün yaxşı gündür. Mühüm görüş təyin etməyin, önəmli danışıqlara və ya müzakirələrə başlamayın. Ünsiyyət rahat olacaq. Fəqət, konkret qərarların qəbul ediləcəyinə bel bağlamayın. Hansısa işdə maneə və ya ləngimə yaranarsa, tələskənlik etməyin. Detalları dəqiqləşdirin, informasiya axtarışı ilə məşğul olun. Daha uğurlu variant tapa bilərsiniz. Axşam saatlarında səhhətinizin qeydinə qalın. Dincəlməyə, sakitləşməyə çalışın. Ünsiyyət dairəsini adət etdiyiniz, ənənəvi təmaslarla məhdudlaşdırın. Dolça - artan gərginliyin mövcud olduğu məsələləri diqqət mərkəzində saxlayın. Geriyə addım atmaq, sərtliyi azaltmaq da mümkündür. Yaşam arelınızı təmizləyin. Orqanizmi şlaklardan təmizləyin. İşgüzar baxımdan uğurlu gündür. İşlərin çoxunu tam başa vura biləcəksiniz. Tələsməyin, hər şeyi tarazlamağa çalışın. Yaxın ətrafınızdakı insanlardan daha çox işələməyi tələb etmək əvəzinə bəzi işləri özünüz görün. Çünki həmin insanların başqa planları ola bilər. İzafi, emosional əlaqələr və təmaslardan qorunun. Balıqlar - yaxın ətrafınızdakı insanların problemləri və müşkülləri ilə maraqlanın. Sizdən məsləhət və dəstək istəyənə yardım edin. Mübahisə etməyin, kimsəni acılamayın. Söhbətin mövzusunu dəstəkləyin, deyilənlərə qulaq asın. Şəxsi münasibətlər müstəvisində təmaslarla əlaqələrin yeni yönləri aşkarlanır. Qarşınızda yeni psixoloji tapşırıq, ya da məsələ var. Həmin problemin birbaşa və ya qismən həlli sizin üçün böyük maraq kəsb edən başqa məqamlara da birbaşa təsir edə bilər. Son.az