Qubalı qız əvvəlcə “Zil”, sonra avtobus sürücüsü oldu VİDEOREPORTAJ
Digərləri 01 Fev 2023 21:00:00 332 0
"Əhməd haradadır?" filmindəki Nərgiz xalanın yük maşını sürməyini görəndən sonra qərar verdim ki, mən də sürücü olacağam. Valideynlərim məni müxtəlif yollarla fikrimdən döndərməyə çalışsalar da, arzularımın arxasınca getdim. 1975-ci ildə Bakıda sürücülük məktəbinə yazıldım. İki yüz oğlanın arasında bircə qız mən idim. Altı aylıq kursdan sonra imtahandan uğurla keçib sürücülük vəsiqəmi aldım. İlk sürdüyüm maşın isə "Zil" markalı yük avtomobili idi.
Bu xəbəri də oxu: Sürücülük vəsiqəsi olmadan avtomobil idarə etməyin cəriməsi nə qədərdir?
Bu sözlərin müəllifi 48 illik sürücülük təcrübəsinə malik Nuriyyə Abdullayevadır.
Son.az AZƏRTAC-a istinadən bildirir ki, 68 yaşlı Nuriyyə Abdullayeva Quba rayonun İkinci Nügədi kəndində yaşayır. O, ölkəmizin şimal bölgəsində ilk avtomobil sürən qadınlardandır. Maraqlısı budur ki, N.Abdullayeva sürücülüyə 20 yaşında olarkən "Zil" markalı yük avtomobili ilə başlayıb. İki ildən sonra yük maşınını "QAZ-24"lə dəyişib. Bu maşınla taksi sürücüsü kimi ölkəmizin və keçmiş SSSR-nin bir çox şəhərlərinə sərnişin aparıb. 1979-cu ildən isə "RAF" markalı maşınla sərnişindaşıma fəaliyyəti ilə məşğul olub.
"Sürücülük vəsiqəmi aldıqdan sonra ilk iş yerim Quba Avtomobil Bazası oldu. "Zil" maşınla əsasən meyvə-tərəvəz məhsulları, yük daşıyırdım. Sonra təzə "Volqa"da taksi fəaliyyətinə başladım. İndi qadın sürücülər çoxdur. O, vaxt isə məni bütün Qubada tanıyırdılar. 3-4 il taksi sürücüsü kimi işlədim. Sonra Riqa (Latviya) şəhərinə gedib, oradan təzə "RAF" markalı mikroavtobus gətirdim. Quba-Nügədi marşrutu üzrə sərnişin daşıyırdım. Bir müddət sonra "RAF"-ı, "QAZel"lə dəyişdim. İndi özüm sahibkaram. Hazırda Quba-Nügədi marşrutu üzrə 4 avtobusumuz fəaliyyət göstərir. Hansısa sürücümüzü əvəz etmək lazım gələrsə, özüm sükan arxasına keçirəm", - deyə o söyləyib.
Nuriyyə Abdullayeva Qubada yaxşı sürücü olmaqla yanaşı, həm də toy operatoru kimi tanınıb. Nə az, nə çox, düz 15 il toy məclislərində operator kimi fəaliyyət göstərib.
"O vaxtlar Qubada qız və oğlan toyları ayrı təşkil olunurdu. Qız toyunda qadın musiqiçilər ifa edirdi. Mən də toyların ən sevilən operatoru idim. Gündüz sürücülük edirdim. İşdən sonra toya gedirdim. Operatorluğa böyük həvəsim vardı. Amma avtomobil sürmək mənim üçün bütün məşğuliyyətlərdən önəmlidir", - deyə Nuriyyə Abdullayeva bildirib.
- 01 Fev 20:59
Xətai Rayon Məhkəməsi ictimai fəal Bəxtiyar Haclyevin barəsində seçilmi
Ətraflı
- 01 Fev 20:50
ABŞ Ədliyyə Nazirliyinin göstərişi əsasında Federal Təhqiqatlar Bürosu
Ətraflı
- 01 Fev 20:49
"Sonuncu dəfə 90 illik yubileyimdə rəqs etmişdim. Bu gün 94 yaşım v
Ətraflı
- 01 Fev 20:19
Dünya siyasətində şəxsiyyətlərin rolu haqqında çox danışılıb və ya
Ətraflı
- 01 Fev 20:11
Bütün daşınmaz əmlakların qeydiyyata alınması prosesi bir günə və bir
Ətraflı
- 01 Fev 20:10
Serbiya Azərbaycanın Tehrandakı səfirliyinə törədilən terror aktını q�
Ətraflı
- 01 Fev 19:49
Aparıcı Samir Bayramlı "MTV Azərbaycan"ın efirində maraqlı add�
Ətraflı
- 01 Fev 19:29
Türkiyənin Adana şəhərində atası Gökhan Osman Yamar ilə getdiyi restora
Ətraflı
- 01 Fev 19:00
Əfqanıstanın şərqində yerləşən Məydən-Vərdək vilayətinin sakinlər
Ətraflı
- 01 Fev 18:49
Müğənni Niyam Salami Mabel Matizin "Antidepresan" mahnısını ifa
Ətraflı
- 01 Fev 18:29
Çinin "Geely" şirkəti AE200 X01 uçan avtomobilinin ilk sınaqları
Ətraflı
- 01 Fev 18:00
Yay və qış otlaqlarında tələbata uyğun olaraq çoban evləri, yataqlar, d
Ətraflı