“Oqtaydan sonra heç yerə getmirəm”
Şou-biznes 17 May 2025 18:38:00 67 0
"Bu gün verilişlərə gələn adamların əksəriyyəti həyatın dibində qalmış insanlardır. Axı bizim xalq o xalq deyil. Bizim xalq qeyrətli, namuslu, ailəsi üçün özünü fəda edən xalqdır. Heç vaxt uşağını götürüb küçələrə getməz. Heç vaxt ərini atıb evdən qaçmaz. Bu, nadir olan hallardır. 10 milyonun içində 100 nəfər olar, ya olmaz. Onu təqdim etməklə o xalqı təqdim edirik ki, biz buyuq. Mən belə verilişləri necə bəyənə bilərəm? Axı biz o deyilik. Sən niyə məni belə qələmə verirsən? Niyə sübut etmək istəyirsən ki, sənin olacağın budur?"
Bu haberi de oku: Bakıdan köçür: "Pişiklərimi də götürüb gedirəm"
Bunu Moderator.az-a açıqlamasında Xalq artisti Elmira İsmayılova deyib.
O, daha sonra efirlərdə bəyəndiyi aparıcıları sadalayıb:
"İctimai Televiziyada Saleh Bağırovun "Ötən günlər" verilişini bəyənirəm. Saleh çox gözəl veriliş aparır. Onun verilişləri də səviyyəlidir, özü də. Öz gəlinim Dilarənin verilişini bəyənirəm. Mətanət Əliverdiyevanın apardığı verilişləri də çox bəyənirəm. Salehin verilişinə niyə baxıram? Çünki seçilmiş insanları dəvət edir. Mənə o sənətkarların həyatı çox maraqlıdır. Bu ruhda adamam".