BƏƏyə uçan təyyarə Bakıya təcili eniş etdi
Digərləri 01 Tem 2025 21:25:00 91 0
Birləşmiş Ərəb Əmirlikləri istiqamətində hərəkət edən iki reys, İran ərazisi üzərində hava məkanının müvəqqəti məhdudlaşdırılması səbəbindən marşrutunu dəyişərək Heydər Əliyev Beynəlxalq Aeroportuna eniş edib.
Bu haberi de oku: MİDA və Ziraat Bank Azərbaycan arasında əməkdaşlıq başladı!
Son.az xəbər verir ki, "Air Arabia" aviaşirkətinin Moskva-Şarja marşrutu üzrə hərəkət edən aviareysinin kapitanı Heydər Əliyev Beynəlxalq Aeroportuna məcburi eniş üçün sorğu göndərib.
Airbus A320 tipli hava gəmisinin enişi yerli vaxtla saat 19:43-də uğurla yerinə yetirilib.
Eyni zamanda, "FlyDubai" aviaşirkətinin Bakı-Dubay istiqaməti üzrə müntəzəm reysi saat 18:14-də havaya qalxdıqdan sonra geri dönməyə məcbur olub. Boeing 737 tipli hava gəmisi yerli vaxtla saat 19:30-da Heydər Əliyev Beynəlxalq Aeroportunda eniş edib.