Fuad Nəcəfli: “Şərq qapısı” qəzeti Azərbaycanın media məkanında xüsusi çəkisi olan, 104 illik tarixi ilə seçilən sanballı mətbuat orqanıdır
Digərləri 30 May 2025 11:22:00 83 0
Bu gün tədbirin təşkilatçılarından, eyni zamanda dövlət başçımızın diqqətində olan media orqanlarından biri - 104 yaşlı qocaman "Şərq qapısı" qəzetinin fəaliyyətini xüsusilə vurğulamaq istəyirəm. "Şərq qapısı" qəzeti Azərbaycanın media məkanında xüsusi çəkisi olan, 104 illik tarixi ilə seçilən sanballı mətbuat orqanıdır. Bu qəzet təkcə Naxçıvanın deyil, bütövlükdə, ölkənin ictimai-siyasi həyatında mühüm rol oynayır.
Bu haberi de oku: Azərbaycanda bu qadınlar 1460 manat əmək haqqı alacaq
Son.az xəbər verir ki, bu sözləri Naxçıvanda keçirilən "Qlobal İnformasiya Mühiti və Media Trendləri" konfransı- "Mediafest-2025"-də çıxışı zamanı Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli deyib.
Səlahiyyətli nümayəndə qeyd edib ki, klassik jurnalistika prinsiplərinə sadiqliyi, analitik və siyasi məqalələrə verdiyi önəmlə seçilən qəzet, son dövrlərdə fəaliyyətini daha da genişləndirmiş, sosial mediada da aktiv mövqe qazanmışdır. Qəzetin həm texniki bazası təkmilləşdirilmiş, həm də yaradıcı heyəti gücləndirilmişdir. Ən önəmlisi isə "Şərq qapısı" qəzeti hüquqi status qazanaraq müasir media subyekti kimi fəaliyyətini daha çevik və sistemli şəkildə davam etdirmək imkanı əldə etmişdir. Bu gün "Şərq qapısı" həm ənənəvi medianın, həm də müasir informasiya platformalarının uğurlu sintezini nümayiş etdirərək mühüm nailiyyətlərə imza atır.