Bakı Konqres Mərkəzindəki bütün tədbirlər dayandırıldı
Digərləri 06 Apr 2025 13:33:00 341 0
Bakı Konqres Mərkəzi texniki səbəblərlə əlaqədar olaraq qısa müddətli təmir işlərinə başlayır. Bu müddət ərzində Mərkəzdə keçirilməsi planlaşdırılan bütün tədbirlər tam şəkildə dayandırılıb.
Bu xəbəri də oxu: Yeni "AirPods" problemli çıxdı
Son.az xəbər verir ki, bu barədə Mərkəz məlumat yayıb.
Məlumata görə, aprelin 5-də Mərkəzdə keçirilmiş konsert proqramından sonra "Auditoriya" zalında quraşdırılmış innovativ hərəkətli döşəmə sistemində yaranan texniki nasazlıq səbəbi ilə, avadanlığın təmiri, yoxlanılması və kalibrlənməsi üçün xarici mütəxəssislərin dəvət edilməsi tələb olunur. Yüksək texnoloji və kompleks quruluşa malik bu sistemin yalnız istehsalçı şirkət tərəfindən sertifikatlaşdırılmış mütəxəssislər tərəfindən bərpa edilə biləcəyi qeyd olunur.
Mərkəzdən verilən məlumata görə, təhlükəsizlik və avadanlığın düzgün fəaliyyəti təmin olunmadan tədbirlərin keçirilməsi mümkün deyil. Qeyd olunan səbəblərlə əlaqədar olaraq yaxın müddətdə "Auditoriya" zalında hərəkətli döşəmə sistemindən istifadəni nəzərdə tutan bütün planlaşdırılmış tədbirlər təmir işləri başa çatanadək tam şəkildə dayandırılıb. Mərkəz yaranan narahatlığa görə üzr istəyib və tədbirlərin təhlükəsiz və keyfiyyətli şəkildə keçirilməsi üçün bütün zəruri addımların atıldığını bildirib.
Məlumata görə, təmir bərpa işləri dövrünə təsadüf edən və ləğv olunmuş tədbirlər üzrə əldə olunmuş biletlərlə bağlı məsələlər üzrə iticket.az-a müraciət edilməsi tövsiyə olunub.
Qeyd olunur ki, artıq xarici mütəxəssislərin cəlb edilməsi və ehtiyat hissələrinin sifarişi ilə bağlı zəruri işlərə başlanılıb. Prosesin nə qədər vaxt alacağı barədə dəqiq müddət göstərilməsə də, Mərkəzin komandası işlərin mümkün qədər tez başa çatdırılmasına çalışır.
Məlumatda həmçinin bildirilib ki, texniki sistemin funksionallığı bərpa edildikdən sonra Bakı Konqres Mərkəzi tədbirlərin qəbulunu əvvəlki səviyyədə davam etdirəcək.
- 06 Apr 13:21
Türkiyə ilə Azərbaycan arasında enerji sahəsindəki əməkdaşlıqda yeni
Ətraflı
- 06 Apr 13:10
Kocaelidə 650 nəfərin zəhərlənməsinə səbəb olan donerçidə işçilər
Ətraflı
- 06 Apr 12:59
Biləsuvar Rayon Mərkəzi Xəstəxanasına yeni təyinat olub.
Ətraflı
- 06 Apr 12:58
Azərbaycanda aprelin 7-də gözlənilən hava şəraiti açıqlanıb.
Ətraflı
- 06 Apr 12:52
Özbəkistanın paytaxtı Daşkənd şəhərində Parlamentlərarası İttifaqı
Ətraflı
- 06 Apr 12:34
Kiyevdə növbəti bir sıra güclü partlayışlar baş verdiyi bildirilib.
Ətraflı
- 06 Apr 12:19
"Çox vaxt oğlan evi gələndə demək lazımdır ki, gedək qızılı bir
Ətraflı
- 06 Apr 11:47
Hər il Azərbaycan daxili tələbatı ödəmək üçün ərzaq məhsullarının
Ətraflı
- 06 Apr 11:33
"Pensiya müavinətdən həmişə yüksək olub. Çünki vətəndaş vaxtil
Ətraflı
- 06 Apr 11:25
Fövqəladə Hallar Nazirliyinin "112" qaynar telefon xəttinə paytax
Ətraflı
- 06 Apr 11:19
Gəncədə zəhərlənmə hadisəsi baş verib.
Ətraflı
- 06 Apr 11:11
Bu gün işğaldan azad edilmiş Ağdam rayonunun Qalayçılar kəndi ərazisin
Ətraflı