Astanada Azərbaycan əfsanəsi əsasında Mosaic Del Arte tərəfindən yaradılmış "İki xalça" baletinin dünya premyerası keçiriləcək

Kriminal 24 Sen 2025 17:05:00 178 0

"Astana Balet" teatrı yeni mövsümə möhtəşəm bir hadisə ilə başlayır - iki pərdəli "İki xalça" baletinin dünya premyerası, bu tamaşa beynəlxalq miqyasda əsl sənət incisinə çevrilməyə iddialıdır. 140-dan çox şəxsin iştirak etdiyi bu böyük layihə tamaşaçılara gözəllik, mistika və tarix dolu unudulmaz bir səhnə təcrübəsi bəxş edəcək. Premyera 17 və 18 oktyabr tarixlərində Astanada baş tutacaq - iki gecə ərzində tamaşaçılar neoklassik üslubda ehtiras, dramatizm və incəliyin sehrinə qərq olacaqlar. Tamaşanın əsasını təşkil edən əfsanə, Luvr muzeyinin kolleksiyasına daxil olan və yalnız naxışları deyil, bütöv bir tale, ölkə və dövr tarixini özündə yaşadan "Şirvan xalçası" ilə bağlıdır.

Bu xəbəri də oxu: ABŞda azərbaycanlı avtoritetlərə 25 il həbs cəzası...

"İki xalça" baletinin hadisələri XX əsrin əvvəllərində Bakı, Sankt-Peterburq və Vyana şəhərlərində baş verir. Leyla ilə Samirin dostluğu və məhəbbətindən bəhs edən bu əsər, tamaşaçını ilk hisslərin sevinci, ayrılıq acısı və sədaqət sınaqları ilə duyğulandıracaq.

Samir təhsil almaq üçün Sankt-Peterburqda kadet korpusuna göndərilir. Birinci Dünya Müharibəsi başlayır və o, cəbhəyə yollanır. Ağır yaralanır, yaddaşını itirir, əsir düşür və azad olunduqdan sonra vətənə qayıtmaq istəyir. Amma hara? Elə bu zaman onun həyatında Marqo adlı bir qadın peyda olur - Samiri həyata qaytarmaq üçün hər şeyə hazır olan bir sevən.

Lakin inanılmaz hadisə baş verir - Vyanada, təsadüf nəticəsində Samir doğma yurda aid olan, vaxtilə sevdiyi Leylanın toxuduğu xalçanı görür. Yaddaşı geri qayıdır və onu yenidən evə, keçmişə doğru çəkir... Bəs indi nə etməlidir? Leyla ilə Marqo arasında necə seçim aparmalıdır?.. Bu duyğulu hekayənin finalı "Astana Balet" səhnəsində açılacaq.

Bu balet - təkcə bir səhnə əsəri deyil, tarix, sevgi və sirrlərlə toxunmuş sehrli bir səfərdir. Və siz bu səfəri qaçırmaq istəməyəcəksiniz.

Xüsusi qeyd: Dünya premyerası üçün "Azərxalça" tərəfindən eksklüziv xalça toxunub. Baletin müəllifi - Mosaic Del Arte.

Yaradıcı heyət:

• Valeri Kopeykin - libretto müəllifi, baş prodüser • Aleksandr Moqilyov - baletmeyster və rejissor • Arseni Smirnov - bəstəkar • Anastasiya Kapustina - səhnə tərtibatçısı • İqor Çapurin - geyim üzrə rəssam

Baş rollarda:

• Tatyana Ten (Leyla) • Sundət Sultanov / Yerkanat Yermagambet (Samir) • Nataliya Fernandes Menes (Marqo)