Son.az olay-a istinadən bildirir ki, bu haqda "Vogue" dərgisinə aktrisanın nümayəndəsi təsdiqləyib.

Nəşrin məlumatına görə, dünən ulduz Los-Ancelesdə şam yeməyində görüntülənib və hadisə şahidləri onun yuvarlaq qarnını görüblər.

Xatırladaq ki, "Aclıq oyunları"nın 34 yaşlı ulduzu və onun 40 yaşlı əri, sənətşünas və sənət agenti Kuk Maroneinin artıq 2022-ci ildə dünyaya gələn bir oğlu var. Oğlanın adı Saydır.

Cennifer 2018-ci ildə rejissor Darren Aronofski ilə ayrıldıqdan bir il sonra Kuk Maroneylə görüşməyə başlayıb. Cütlüyün münasibətləri sürətlə inkişaf edib və 2019-cu ildə Kuk Cenniferə evlilik təklif edib. Cütlük az keçməmiş bir çox ulduzun iştirakı ilə möhtəşəm bir toy ediblər.

Jurnalistlərə şəxsi həyatı haqqında danışan Lourens dəfələrlə etiraf edib ki, Maroni onun tanıdığı ən yaxşı insandır. Onun sözlərinə görə, evlilik təklifini tərəddüd etmədən qəbul edib. O, həmçinin bildirib ki, Kuk çox yaxşı atadır, ona görə də işləmək lazım olanda oğlunu sakitcə onun yanında qoyur.

Xəbərlərimizi WhatsApp kanalımızdan da oxuyun